Dat Gericht Beverst weer en Patrimonialgericht un Verwaltungsrebeed in Bremen-Veern un in dat Königriek Hannover mit Seet in Beverst binnen de Landdrostie Stood. Dor hett groff dat Rebeed von de hüdige Gemeen Beverst un Delen von de Samtgemeen Geestborn un de Gemenen Gnarrenborg, Lox un Schippdörp tohöört. Gerichtsherrn weren toeerst de Familie von Luunbarg un later de Familien von Scheither un von Issendörp. Dor hebbt de Kaspels Beverst, Lox, Oolluunbarg, Bexhöv, Karkwist, Kuhs un Öös tohöört. Mit dat Arvgericht Beverst weren ok dat Borggericht Oolluunbarg un dat Patrimonialgericht Öös verbunnen. In’n Oosten von dat Gericht leeg dat Amt Bremervöör, in’n Süden dat Gericht Hanst un dat Amt Oosterholt, in’n Westen de Ämter Hagen, Stotel un Vieland un in’n Noorden dat Amt Beers.